© Yiu Wai Hong
吐露港位於香港東北面水域，這個天然避風港，在80年代燈洲一帶珊瑚覆蓋率達70%，而扯𢃇排更高達80%。但隨後因沙田及大埔新市鎮發展，吐露港水質污染嚴重而被破壞，令珊瑚覆蓋率一度跌至少於1％。政府於80年代後期展開吐露港行動計劃，水質雖有明顯改善，惟珊瑚群落卻沒有因而恢復。 然而，急速的城市發展引致內港填海，對海洋生態系統造成嚴重破壞。現時，吐露港的珊瑚覆蓋率低至2％，威脅吐露港作為本港其中一個最重要的魚類產卵及育苗場的生態功能。
珊瑚群落一旦被破壞就很難自行修復，所以我們立志要把本來品種多樣的珊瑚群落修復，令其能再次支撐吐露港的海洋生物多樣性。我們的目標是在香港東北面水域拯救及移植最少1000塊掉落的珊瑚碎片。
「我希望透過今次同WWF合作推動呢項『珊海無盡』行動，能夠擴大現時中文大學珊瑚學院喺赤門海峽及吐露港進行嘅珊瑚繁殖、培育及修復工作，希望移植到大海的珊瑚能夠繼續健康成長，於野外繁衍。我必須強調，珊瑚修復工作及長期的監察固然重要，但有效管理同保護現有嘅珊瑚群落先至係關鍵，所以我都希望未來可以聯同WWF喺海下灣海洋生物中心繼續推廣珊瑚培育及教育工作，讓更多公眾認識珊瑚保育嘅重要性，反思海洋與人嘅關係，從而身體力行參與珊瑚保育。」
「就算有好多珊瑚覆蓋嘅地方，一兩年內都可以完全被破壞。即使過咗30幾年，都未能完全復原。我哋應該吸取教訓，謹記破壞好容易，但恢復好困難。我成日都同我啲學生講，大海係我哋嘅實驗室，希望更多香港人有機會潛入海底，親身感受海底世界嘅奧妙，好好珍惜香港嘅海洋。」
「我10幾歲就跟隨屋企人喺吐露港一帶潛水搵食，80年代嘅吐露港水質非常好，喺海底好容易就見到一大片珊瑚，仲擁有豐富嘅漁業資源，足夠養大我成家人。可惜後來嘅城市發展、填海造地導致吐露港海洋環境發生巨變，好多漁民都因為無辦法繼續捕魚為生而被迫轉行。」
「我哋以前嘅生活所需都係取材於大自然，當時嘅村民會收集海邊嘅貝殼和珊瑚骨，然後喺石灰窰中燒製成為石灰，再運到香港仔出售及轉口，作建築用途。海下曾經係盛產石灰嘅地方，可以想像當時珊瑚的豐富程度。以前嘅海洋資源真係非常豐富，但現在已經越來越少啦，大家要一齊努力保護佢。」